昨日及今日為中一註冊日，有自稱任職中學的戴sir在Facebook「90後教師決戰怪獸家長」的專頁發文，向網民指稱昨天（7月10日）在校當值，處理註冊程序時，發現有家長塗改校名，由原本的某某「中學」，改成某某「書院」，成為網民話題。

　　根據貼文，該名家長第一次進入校務處想為子註冊，職員隨即解釋家長去錯學校，但家長問道：「我個仔點會報Band 3？我地小學老師都係話報Band 1果間。」十分鐘後，家長再返回校務處，職員則發現文件上的校名「中學」，塗改成「書院」。

　　有網友對於校方做法及家長的行為有很多意見。在facebook上，Sophia So指：「為咗唔好畀啲小朋友有錯誤嘅觀念，以為文件可以咁改，要報警！證據應仍在的。」

　　在高登討論區上，網民魔法少男小源則稱：「街上用粉筆寫字就話破壞公物，那人偽造虛假文書為當冇野。」網友洛克菲勒更找出香港法例的刑事法讓網民自己判斷。而對於學校的處理方法，有網民如Wing Luk 反駁學校怕上報。

　　事件背後，議題轉向香港怪獸家長。Facebook網友莫雪緞就說：「重點係全港的怪獸真係無處不在，熱愛投訴，輸打贏要，為左達到目的，可能犯左法都唔知…」

　　亦有網民認為事件反映一些教育制度問題。Tammy Yim說：「最根本問題是K形學校分類方式。弱勢的一群學生被定去弱勢學校。希望弱勢學校爭氣，可以教出全面出眾的學生成社會棟樑。教育的本意似被K形制度破壞。」

　　Joanne Chu 及Tsz Lung Cheung亦認同Tammy 形容Band 3學生的處境說：「笑中有淚，可以設想band3學生的處境，咩怪獸唔怪獸，無得揀，全盤接收」。

　　但亦Minnie Yau就反駁道：「讀書成績差都叫弱勢？學生嘅才能唔係呢度上面（成績），就應該發掘其他才能，收得多呢類學生嘅學校有責任因材施教，而唔係用同教資質比較好既學生既方法迫佢地考得好，然後賴佢地資質差。」