此夜只談投資，包括有形的、無形的……。

　　剛好坐在本港著名股評人兼基金經理黃國英身旁，他雖然面對一個極不明確、隨時有黑天鵝殺到的世界，仍然一副成竹在胸的冷面笑匠模樣。

　　他不只有姿勢，也有實際，去年經歷了大時代、大插水，年底埋單計數，他不只沒有灰頭土臉，還賺錢好掂，勁賺三成，難怪被網民封為「幪面盤王」。

　　普遍嚟講，佢睇好科網股。

　　「科網股如FACEBOOK，仍然佔領地球，因為自己平台已夠晒宏大，慳番好多Marketing使費。」他說。

　　（其實從玄學角度，今年火旺，科網及高科技股仍然發熱發光。尤其是上半年。）

　　此外佢一向嘅愛股騰訊、領展、冷敲嘅瑞聲、萬科皆已報捷。至於佢仲有乜嘢新法寶呢？大家可以6月11日去伊館聽佢嘅財力醒覺演講兼棟篤笑。我一定去！

　　由於從事金融業壓力極大，佢又咁勇，所以也曾賠上健康。

　　「十多年前，我曾經無啦啦心絞痛，測來測去都搵唔到原因，成日發作，我一度係急症室常客，真係攞命。後來朋友介紹我去學「太極五行自我康復工程」，初時我都係半信半疑咋，咪試吓囉。嘿！三個月後，有一日練功時突然感到一道氣沖過心臟，自此心絞痛就遠離我咧！」黃國英現身說法。

　　有咁神奇？

　　其實仲奇嘅都有。我幾年前去學這「太極五行功」時，班內有對母子，母親是坐輪椅來的，孝順仔陪老媽來學，她當時勉強也可以站起來，不過很吃力，上了一周課後，她「畢業」時已可借助拐杖自己走人。半年後見她，連拐杖都唔使咧！由於佢堅決唔想坐輪椅過埋呢世，所以每日勤力練功，先可以由輪動變成走動。

 著名基金經理黃國英和「太極五行功」總教練趙婉君互相交換投資於金錢及健康上的心得。

　　黃國英練功亦冇間斷過。佢炒外匯時有斬獲，當然要不停睇住全球市況，壓力更大。幸好佢有減壓妙法。

　　「呢9年來，練『太極五行功』成為我有效嘅減壓工具，練功時可以同外界切斷個多小時，忘記煩惱，整個人徹底放鬆，重新注入能量，思路更清晰敏捷。」

　　眾人聽見話練功可以幫助搵銀兼鬆弛，都很雀躍。紛紛報名參加5月19日嘅免費氣功講座 (2866-1768)。

　　黃國英席上還引用曹仁超的名句: 話無論你財富有多少個零，前面都要有個一字㗎，呢個一字就係健康。

　　今年丙申年，天干尅正地支，火猴大鬧地球。年初已提過丙是病字尾，病毒來勢汹汹，壓力又無處不在，大家宜趕緊練習一些Mental Physical Exercise，既可以濾走煩惱，又可以令血脈暢通，實在係保賺冇賠嘅投資，贏番鋪先，係咪吖？