在Moet & Chardon 和百合花香氣中，好朋友繞過修例風波，漫談人生，不知怎地，談到缺乏陽光的居住環境，恰巧印證了風水上一個現象，而這現象竟與性傾向有關！

　　朋友提及他從前住在東區北角某名廈，自從搬了進去，未好過。他租時已遲疑，因為外面高廈圍繞，陽光射不進屋裏，不過那裏傢俬齊全，他又搬得倉卒，只好算了。

　　這其實犯了風水大忌——三陽不照。即早晨、中午、甚至西斜的陽光也不入屋，意指全天沒有陽光直接射進來，你話幾陰沉呢？

　　三陽不照的屋，偏陰，會出gay、lesbian或二奶。

　　翌日我很雀躍地告訴一位風水八卦友：

　　「昨日我驗證咗三陽不照理論，好高興呀！」 

　　「咁興奮？講嚟聽吓！」

　　「風水上，三陽不照嘅屋，專出同性戀者同婚姻第三者。我昨日同一個朋友開香檳撐枱腳，佢話以前同妹妹住過咁嘅屋，佢係gay嘅，佢妹妹係lesbian，你話幾準！」

　　「嘩！你講嗰間係竜宅噃，應該有米。咁佢搬走之後，有冇由攣變番直呀？你咁有魅力，可以上呀！」

　　「佢嗲過女人，非常嬌俏。唔使諗。」

　　講完笑，繼續談三陽不照的禍害。

　　話說朋友在那陰暗的房子住了三年，期間事業漸漸走下坡，連一個合作了十多年的重要客戶，也被競爭對手撬走了，結果大屋搬細屋。

　　事業下滑，感情亦發霉，他那些年，被迫「守身如玉」，感情生活水盡鵝飛。

　　其實在心理學上，陽光代表生氣。北歐一些國家相對富裕，社會福利又好，卻多人自殺，原因之一是日照太短黑夜太長，令人抑鬱。

　　在風水學上，陽光不夠，除了事業愛情冇運行之外，還影響財運，所謂「光到財到」，所以居所要選開揚光猛的地方。有些樓宇圖則如眼鏡房，往往遮住大廳的光線，這是不理想的，財運麻麻、桃花運則又遲又反覆。

　　光源充足，先會水頭充足嘛！