香港抗疫期間，各行各業都大受打擊，唯獨是烘焙店舖每天都見排長龍，連平日唔識整嘢食的朋友，都去烘焙店買材料，實行每天在家製作麵包，蛋糕及小食。

　　家長留在家中照顧小朋友，除了要準備一日三餐餸菜外，抗疫期間，連下午茶都要準備。

　　以前買了部可以焗鬆餅／三文治機，只用了2、3次，就打了入冷宮。現在每天待在家中，成日掛住煲劇，坐在梳化上都唔想動身。每天見臉書朋友都不停整嘢食，自己就唔可以再懶散，順便將部鬆餅機從冷宮出宮啦！

　　平日做夾餅喜歡搽花生醬及煉奶，今次改做歐陸風味，淋上朱古力醬，就即時變高級鬆餅。有鬆餅機的朋友，快快從冷宮或倉底找出鬆餅機，做出有特色的鬆餅，實行每天在家 High-Tea 啦！

比利時鬆餅

製作時間：90分鐘

份量：6個

材料A：

高筋麵粉     50克

低筋麵粉     70 克

即用依士      2 克

砂糖         25 克

鹽           1/8茶匙

材料 B： 

暖牛奶        70 克 （約30度）

雞蛋（打散）50 克

牛油溶液      25 克 

做法：

　　1. 將材料的粉類過篩，其他材料放入大碗內。

　　2. 將材料 B的暖牛奶、雞蛋液及牛油溶液順序加入粉內拌勻，用保鮮紙蓋好，放室溫發酵45分鐘。

　　3. 鬆餅機模掃上少許油，放上適量的麵糰，蓋上鬆餅機蓋，烘烤5-8分鐘，或待烤餅指示燈熄滅，或烘烤至理想顏色。（註：每部烤餅機預設時間不同）

　　4. 按照個人喜好，淋上朱古力漿或灑上糖粉，或改配雪糕拌食都可以。

小貼士：

　　市面上的鬆餅機各有不同，烘烤時間會有不同，請自行再測試烘烤時間。