為了讓孩子更健康成長，不少媽媽都會選擇餵哺母乳(餵人奶)。雖然現在有不少地方都設有育嬰室，方便媽媽餵哺母乳，但有時BB餓未必等到，在公眾地方餵母乳其實又有沒有問題？

　　網上最近瘋傳一張一名媽媽在巴士餵哺母乳的相，相片上，該名媽媽以粉紅色的餵奶巾作遮擋，但被其他乘客偷拍，並上載至社交網站，上載者表示：「呢個大陸女人，夠膽死喺架車到(度)餵人奶，就唔好擺塊布遮住啦」，言論引起網友不滿，主要認為餵母乳是天經地道，並認為上載者無知兼無品，認為應該尊重餵母乳的媽媽。

　　「Anita」認為「覺得公眾地方餵人奶有問題，講到底只係佢哋對女性身體有不當嘅思想，Bb食奶，同媽媽餵奶，絕對無需要覺得羞恥」，「小韻」則認為「BB仔因為控制唔到餓會喊，呢啲係無可厚非架！『厚多士』嗰個就話啫，呢個真係完全無問題噃！人地都遮住咗你仲想點！」；「Candy Ball」表示「就係尊重人先用件衫遮住！係外國根本係好自由！餵奶有乜問題？」

　　不過，亦有網友認為不應在公眾地方餵母乳。「曉烽」認為「啲人話攞塊布遮住餵奶就無問題，咁攞塊布遮住兩個人做愛係咪就可以？」另外，「Ichi Hon 」則認為「雖然有用布，但始終是公眾地方，可免則免。細路仔幾時食野，大概估到，有控制」。亦有網友質疑「巴士嚴禁飲食，餵母乳算不算是飲食？」。

　　另一個爭議是對於上載者對內地人的標籤，有網友質疑相中人是否內地人。「VickyDear」認為「點解要標籖係大陸定唔係大陸？偉大的母親，請你原諒寬恕這個無知的『人型物體』」；「Jacky Siu」認為「『罪名』加在內地人身上；已經是很多香港人的習慣！」。