「走唔走好呀我？德少……」舊同事Q傳來「救亡」短訊。考慮辭職，諗來諗去、問呢問路是可以理解的。由於總沒可能問現任老闆或上司（小弟的建議是︰拿，真係千祈唔好呀下！）；亦沒理由勞煩到父母親大人。以長輩層來說，最佳的諮詢對象就落在前老闆或上司。

　　對於獲得前同事的信任，小弟相當欣喜，然而，卻擔心「教壞細路、誤人子弟」，畢竟這是他人的人生，我這種旁觀者根本沒資格指指點點。

　　「你要記住，做決定嘅始終係你自己，孭鑊嗰個自然都係你。」我說。

　　電話另一邊傳來無止境的沉睡空氣。我打破沉默︰「不如咁，你話我知點解想辭職？」

　　繼續是與空氣對話，我喂了一聲，以確認Q仍然在線，繼續︰「咁新工有咩學呢？或者，對你日後發展有咩幫助？」

　　Q仍然一聲不響，我好奇︰「咁你嗰邊做咩架？」

　　「嗰邊？咩嗰邊？」Q如夢初醒。

　　「你問『走唔走好』，我Suppose你係搵到後路喇。」我沒好氣說。

　　「德少，係咁嘅……」Q吞吞吐吐。點呢？「其實我未搵工。」

　　留意返，他是說「未搵」，即是連「未搵到」都不如。

　　裸辭，沒問題，閃人的推動力一定很強——不是想轉行或進修，就是極想離開現任老闆。然而根據Q的個案，我看不到當中的迫切性。「咁你想問我咩？」Dead air。

　　「點解你嚟問我呢？」

　　「我問過媽咪、問晒啲朋友、又問過幾個同事，連以前班主任都問埋，係未問你同而家老細。」

　　唔該晒。「咁我建議你問下呢個人——你自己？」

　　所謂打工，官腔一點說是「為公司服務」，但可別忘記，我們走過的每一步都是成就或拖垮自己的單程路。

　　套黃宇詩昨晚說的，（大意）霑叔教落，我們毋須做每個決定都要是對的，只要好用心過每一日做每一件事；無論做任何決定或選擇，結果如何，都要勇敢面對真實的自己。

　　（順帶一題，關於辭職的事，千祈別向現職公司的任何一個人走漏風聲！沒甚麼，後果自負。）