薯仔燜雞翼大家就可能食得多，但原來將薯仔壓成蓉，再加入洋蔥及牛肉碎，做出來的牛肉餅都幾好味。薯蓉入口像溶化一樣，加入牛肉碎及洋蔥碎能提升薯餅的味道，連我家最嘴刁的大少爺都讚好，真令我意想不到！

　　想吃好東西，是要花點心思和時間。但其實這菜式所用的材料非常簡單：薯仔、洋蔥、牛肉碎，為省時還可提早準備放入雪櫃。牛肉含豐富鐵質、薯仔又含大量食物纖維，能寬腸通便，預防便秘；洋蔥含多種維他命，能清除體內的自由基，加強抵抗力，所以特別適合小朋友及老人家吃。

香煎牛肉薯餅

烹煮時間：20 分鐘

份量：12件

材料： 

牛肉碎    200 克

洋蔥      1/2 個

薯仔       2 個 （約200克）

牛肉醃料： 

生抽  1湯匙

砂糖  1/4 茶匙

胡椒粉 少許

菜油  1茶匙

調味料：

黑椒碎   1/2 茶匙

鹽       1/4 茶匙

甜椒粉   1/4 茶匙（隨意）

栗粉     1-2湯匙

雞蛋     1個（後下）

做法：

　　1. 牛肉加入醃料醃15分鐘。

　　2. 洋蔥去衣，切粒。

　　3. 薯仔沖洗，去皮，切片，隔水熱15分鐘。

　　4. 薯仔放入大碗內，用匙壓成薯蓉。

　　5. 燒熱鑊落少許油，加入洋蔥炒至軟身，盛起。

　　6. 將洋蔥、牛肉及調味料加入薯蓉內拌勻，最後加入雞蛋，放入雪櫃冷藏15-30分鐘。

　　7. 取出薯茸餡料，如餡料太軟身，可以再加入適量生粉拌勻才去煎。

　　8. 用匙盛起約1湯匙份量，搓成圓球狀。

　　9. 燒熱鑊落1湯匙油，加入牛肉餅，輕輕壓扁，煎至兩面金黃色，即成。

小貼士：

　　由於薯仔份量可能會有增加減少，加入栗粉的份量可以自行調較。