按盤價 
《開市Ｇｏｏｄ Ｍｏｒｎｉｎｇ》香江魚缸腳軟未醫好，連跌到第６個交易日，累跌逾半
成，更係廿六年以來最長開局跌浪！最終收跌３４點，收報１６１９０點，成交續無睇頭得
８１９億銀。本身早段靠住降準憧憬以為有力迎來今年首次高收，點知利好作用有限，可能全因
人行「放風」嘅時間點唔啱？但降準降低借貸利息，又唔代表能夠剌激市民借錢買股票；咁現時
資金走晒去邊？睇魚缸技術指標其實仲未存在大幅反彈條件，呢輪跌浪有排都未完？
內房即使有新消息都算唔上利好！據報海口放寬樓市限售政策，限售年期由五年改為兩年。
不過海口本身又唔係國內一線城市，個別城市放寬樓市限售政策，對整體場氣氛或情緒利好作用
有限？明明住房係剛需，但點解投資者入市買╱換樓意慾仍低？中央今年重點加大對租賃住房建
設嘅信貸支持力度，瑞銀認為新政有利支持房價；但若房價提升豈不更阻礙市民買樓？點樣解讀
政策方向同實際落地政策成效上存在衝突？
特步國際（０１３６８）上年第四季神州銷售增長逾三成，但明明上年先因素「雙十一」銷
情不佳拖累股價大插，點解圍返第四季條數咁亮麗？靠折扣跑數「水份」高？公司近來又積極拓
展品牌業務，唔怕為自身加重財政負擔咩？全國商務工作會議中提到今年會以「消費促進年」為
主線，同時培育外貿新動能。吸引外資重新投入神州消費市場，又能否成功提振到內需股頹勢？
聽日（１０日）《開市Ｇｏｏｄ Ｍｏｒｎｉｎｇ》搵嚟資深財經分析師熊麗萍，同大家分
析上述股份、大市走勢，同埋當日嘅焦點股同神州通脹數據！歡迎大家提問投資及其他股票問題
。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ
Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ
╱ｗａｔｃｈ？ｖ＝ＹＧ９ｅＶＳｎＫＮＭＵ 打個卡先又得！
夏日中暑高風險！即睇中暑迷思＋預防措施！► 立即了解
