《楠楠自語－莫灝楠》日股何來爆炸一說？

　　《楠楠自語》其實日經真係淨係可以代表部分日本大企業，因為基恩士、迅銷等幾間公司佔
比太高，亦不是用市值計算，而是用股價大小決定權重，所以不能代表整體日本股市。
　
　　最近日股其實表現唔錯，好多遊戲、ＩＰ類股份同金融股都大升。金融股主要因為日本加息
，日圓升，息差拉闊；ＩＰ股升，因為好多新Ｇａｍｅ賣得好好。
　
　　東證指數依家預測ＰＥ為１４﹒９，日經２２５接近２０。係咪好貴就見仁見智，但你都可
以話部分ｓｅｃｔｏｒ貴，部分ｓｅｃｔｏｒ其實還好。
　
　　攞幾隻日股嚟做例子，最近其實好多日本ＩＰ公司都有出新遊戲或者影視作品。
　
　　萬代南夢宮即大家熟悉嘅Ｂａｎｄａｉ，高達、鹹蛋超人（Ｕｌｔｒａｍａｎ）、假面騎士
（香港應該比較多人叫幪面超人）、龍珠、海賊王等等，其實全部都出自Ｂａｎｄａｉ。最近龍
珠《ＤＲＡＧＯＮ　ＢＡＬＬ：　Ｓｐａｒｋｉｎｇ！　ＺＥＲＯ》銷量非常好，加上高達推出
《Ｇｕｎｄａｍ　Ｓｅｅｄ　Ｆｒｅｅｄｏｍ》大電影，提振了公司業績。
　
　　另外Ｃａｐｃｏｍ、Ｋｏｅｉ等著名ＩＰ公司，最近都有出新遊戲，例如《Ｍｏｎｓｔｅｒ
　Ｈｕｎｔｅｒ》和《真．三國無雙　起源》等。遊戲新浪潮亦帶動索尼（ＳＯＮＹ）的硬件收
入。
　
　　銀行方面，三菱日聯、瑞穗等受惠日圓升值、加息等因素。市場預期未來利息收入增加，利
率周期改變，自然對銀行構成結構性增長，最近一年已經升超過４０％。
　
　　其實部分大型日本企業都有在美國ＡＤＲ甚至ＯＴＣ上市。投資日股其實沒有想象中困難。
香港市場亦有對沖日圓匯兌風險嘅華夏日股對沖ＥＴＦ（０３１６０），如果怕日圓貶值亦非常
啱使。《南華金融集團副總監　莫灝楠》
　
＊《經濟通》所刊的署名及╱或不署名文章，相關內容屬作者個人意見，並不代表《經濟通》立
場，《經濟通》所扮演的角色是提供一個自由言論平台。