《魚缸博客》靜靜雞同大家講，其實政府有個好低調拍賣場！

　　博客就好中意睇《倉儲挖寶王》（Auction Hunters），成日睇到好多買家去竟投一啲廢棄嘅迷你貨倉，係入面發掘好多被前倉主遺棄嘅寶物，有珠寶有黃金有銀紙有金幣，甚至弓、弩、槍、子彈都會有，真係好誇張！

　　剛好今日博客發現，原來「政府物流服務署」除左識買觀音山水之外，仲有一個特別服務：公開拍賣充公物品，無人認領貨物品，廢棄物品及剩餘物品。

　　博客打開佢個官網，原來係幾乎每個平日早上10:30都會有嘢公開拍賣！今日博客見到有300部任天堂switch、幾部消防署唔要嘅消防車、幾百部硬碟，連醫院隔離艙都有得公開拍賣，真係無奇不有。

　　其實想做收破爛生意，政府拍賣都係一個好渠道，博客仲見到好多二手車(無匙)、電器之類，如過買返來翻修，再運去其他落後國家（例如孟加拉、非洲之類），特別係日本車，聽聞係呢類國家好受歡迎，因為開唔爛！

　　博客知道呢個消息後，應該每日都開一開個網睇，如果有漏網之魚，例如有搵到有BTC嘅硬盤，咁就發達囉！

《編者按》本欄搜羅即市傳聞，惟消息未經證實，《經濟通》亦不保證內容之準確性。